benvidosempty

venres, 31 de xaneiro de 2020

MÁIS DETECTIVES CA NUNCA!

Como sabedes os peques de 4 anos no primeiro trimestre estivemos inmersos nun proxecto de DETECTIVES, o cal tivo tanto éxito que a día de hoxe seguimos sendo uns detectives de primeira. Por tal motivo, e co fin de dar un bo peche a dito proxecto e a maiores seguir sendo un bo gancho para mergullarnos no proxecto actual sobre o noso corpo, tivemos a visita especial da POLICIA CIENTÍFICA!!!  O nunca visto!!

Con eles puidemos coñecer de primeira man como atopan as impresións dixitais que están impregnadas en cada cousa que tocamos, e por tanto poden coñecernos posto que estas pegadas fan que sexamos únicos.





Por último tamén desfrutamos do que máis nos gusta...o coche de policia, tocando o claxon, saindo e entrando por cada unha das portas, vestindo coma auténticos polis en acción co casco, o chaleco, esposas... 




Sen lugar a dúbidas, unha experiencia do máis gratificante!

PD: SEGUIMOS INVESTIGANDO!!!

luns, 20 de xaneiro de 2020

NOVO PROXECTO Á VISTA!!!

Comezamos o segundo trimestre con forza e os nenos/as de 4 anos xa temos un novo reto por diante...queredes sabelo?? pois abride ben os ollos ...

Cando chegamos a clase atopámonos un escenario pouco habitual...pero....tranquilos, porque nada é o que parece! 


O primeiro....foi ver unhas caras de sorpresa alucinantes e acto seguido coller lupas para comezar a investigar e por suposto escoitar "temos que atopar unha chave para abrir o candado!!"
Unha vez que conseguimos tranquilizarnos un pouquiño, analizamos o que tiñamos diante dos nosos ollos para despois dar comezo aos xogos propostos en cada unha das pistas.

O reto conseguía en atopar en cada un dos xogos  un número segredo de xeito que ao finalizar cada proba obtiveramos un código o cal abriría un candado...desta vez non fixo falta chave algunha...ijijji


Pero o máis importante da actividade é que tiñamos que atopar os números baixo o traballo en equipo levando connosco o noso papel de rexistro.



Explicámosvos as probas rápidamente.
1. Tiñamos que observar unha lámina na que había diferentes elementos e contalos, para despois facer unha pequena suma, de onde sairía o primeiro número!


2. Atopamos uns carteis con números. Cada número agochaba unha letra pois unha palabra misteriosa había que descifrar. Para iso botamos man da nosa ruleta onde tivemos que contar e recoñecer os números máis recoñecer a letra.
Unha vez resolta a palabra podíamos rascar con axuda dunha chave no papel, como o clásico xogo do ""rasca e gaña". Aí estaba o seguinte número segredo!!!

3. Imos chegando ao final e atopámonos co xogo das diferenzas entre duas fotos. O número segredo era o número de diferenzas que atoparamos.

4. Por último, tivemos que crear un debuxo continuando a serie numérica para despois solventar unha pregunta ao respecto e obter así o derradeiro número.


Xa todos na asemblea fomos compartindo os nosos resultados por grupos e....
CONSEGUIMOS O CÓDIGO SEGREDO!!!



Ao abrir a caixa descubrimos de quen se trataba ese home que estaba no chan....un debuxo de Keith Haring!!! Tras falar sobre él e ver distintas obras chegamos á conclusión de que iamos aprender sobre o corpo humano, comezando polo movemento e sentir do mesmo....pero nunca sabemos ata onde chegaremos grazas as nosas cabezas pensantes!!

CONTINUAMOS INVESTIGANDO!


sábado, 18 de xaneiro de 2020

XORNADAS DE PORTAS ABERTAS 2020


Durante o mes de febreiro comezaremos coas Xornadas de Portas Abertas para coñecer aqueles que queiran coñecer a nosa escola.

As datas serán as seguintes:

Xoves 27 de febreiro

de 11:00 a 13:00. Ás 17:00 xuntanza.

Venres 28 de febreiro

de 16:00 a 19:00


Esperámosvos!

domingo, 22 de decembro de 2019

NADAL NA ESCOLA

Nas semanas previas ó nadal, levamos a cabo diversas actividades que encheron as cativas e os cativos de ilusión e emoción.

Unha delas é o clásico ARTE CON CHOCOLATE, na que desfrutamos dunha visita a unha galería de arte, degustamos un delicioso chocolate con churros e paseamos polas rúas da nosa cidade para ver a decoración do nadal.




Por outro lado, decoramos unhas postais para votar na caixa de correos, as cales chegaron os fogares das nenas e dos nenos da escola. QUE EMOCIÓN!




 Tamén pintamos un simpático boneco de neve empregando moitas cores.


E como non, non podía faltar a fantástica exposición de gorros e sombreiros de nadal nos corredores da escola. Como sempre, grazas familias pola vosa colaboración!



 


BO NADAL E FELIZ ANINOVO A TODAS E A TODOS!







domingo, 3 de novembro de 2019

Samaín ao completo!

Pasado xa o tempo do Samaín, queremos contarvos de primeira man a morea de actividades que levamos a cabo para poder superar os nosos medos dunha maneira divertida e traballando ao mesmo tempo nas nosas intelixencias.

Comezamos falando dos nosos medos, para despois expresalos de maneira gráfica.



Tras isto tamén comezamos a levar a cabo actividades de decoración para o noso corredor, así que coa imaxinación a flor de pel cada quen elaborou a súa pantasma.


Por outra banda detivémonos na actividade de grafomotricidade divertida, onde levamos a cabo una tea de araña e a creación das nosas propias arañas venenosas traballando ao mesmo tempo a simetría e o reparto equitativo para que as arañas tiveran 4 patiñas a cada lado.


Continuando coa arte coñecimos a Munch e o seu cadro  "El grito", para o que pintamos coas acuarelas e representamos dito cadro a través do noso corpo.



Por outra banda mergullámonos nas novas tecnoloxías, para o cal primeiro tivemos que decorar as nosas cabazas converténdoas en caras terroríficas para posteriormente darlles vida coa tablet.



E por fin...chegou o gran día! o día en que pasámolo xenial e na que sen a axuda de moitas familias isto non podería ser posible!





ATA O PRÓXIMO SAMAÍN!!!!


sábado, 26 de outubro de 2019

un outono do mais emotivo

Boas de novo familias!

Como ben sabedes, fixemos unha saída ao parque da Bouza, e tras iso chegou o momento de ponerlle nome a todo canto atopamos e mais clasificar e ordenar o material. 




Xa todo ben ordenadiño, deixamos voar a nosa imaxinación e fixemos as nosas propias composicións do outono, poñendolle nome e explicándoo aos nosos compis.





Por último, dado a que este ano estamos inmersos no proxecto anual de centro "EMOCIONS" falamos sobre elas, cando nos atopamos así, como poder solventar algunhas situacións... para despois en pequenos grupos decidir qué emoción querían representar. Tras moito falar entre eles cada grupo púxose man á obra dialogando sobre a forma da cara que lle querían poñer, como se puñan os ollos, a boca as cellas etc cando representabamos esa emoción...


Pouco a pouco e respetando o turno de cada integrante do equipo foron creando estas auténticas obras de arte do mais emotivas.









Por outra banda levouse a cabo outro lan art  onde buscamos como representar simbólicamente outros estados, sempre baixo o traballo conxunto e cooperativo.





 E xa para rematar, e dando un pequeno adianto da festa que se aproxima para a vindeira semana aproveitamos os elementos do outono que nos sobraron para crear diferentes obxectos do Samaín, traballando con iso o medo