benvidosempty

domingo, 18 de abril de 2021

UNHA MOREA DE GARAVANZOS!

Nesta ocasión, a rapazada da escola desfrutou de transferencias en seco utilizando garavanzos. 

Presentei a proposta adaptada ós diferentes niveis do alumnado. As crianzas de 3 anos tiñan dúas cuncas e unha culler. Nesta ocasión presenteilles tamén o embude e foi un elemento de observación e experimentación.

As crianzas de 4 anos tiñan oveiras recicladas e unha culler de gran tamaño para repartir os garavanzos.

Por último, as crianzas de 5 anos tiñan pinzas e un bote reciclado. 


O primeiro paso sempre é explorar as posibilidades sensoriais de calquera material.


Despois de procurar utilizar os utensilios propostos, algunhas e algúns utilizaban as propias mans ou demandaban elementos novos doutros niveis. O obxectivo é explorar, descubrir e respectar os seus ritmos.


Están, mediante o xogo, traballando a coordinación, a concentración e a orde.




Unha das cousas que máis desfrutou a rapazada foi descubrir as múltiples posibilidades sonoras que existían ó utilizar os diferentes elementos.




Un dos nosos obxectivos neste obradoiro é aprender a barrer. 





xoves, 10 de decembro de 2020

XOGAR CON AUGA!


O alumnado tivo propostas de transferencias líquidas, nesta ocasión utilizaron auga.


A auga é un dos elementos naturais que máis lle gusta a cativada. Provimos dun medio acuático xa que pasamos os primeros 9 meses envoltas e evoltos nel. Por iso, recuperar e retomar este medio é tan importante como pracenteiro. 

Presentei actividades para os diferentes niveis e en moitas ocasións ofrecía novos materiais as crianzas se vía que decaía a súa atención e/ou interese.

O alumnado de 3 anos utilizou esponxas. 





A única consigna era manter limpa a bandexa cando a auga derramábase.



Ó alumnado de 4 anos introducínlle a xerra e o embude. Este último espertou gran asombro en todas e todos. Desfrutaron cas gañas de descubrir o que vían a través del, observando o fluír da auga, o son que facía a auga ó pasar por el...con todo o tempo a súa disposición.



O alumnado de 5 anos tivo varios elementos máis. Cabe destacar, que en todos os niveis, foron elas e eles os que me sorprenderon buscando e experimentando con novas posibilidades de utilidade dos materiais. Algunhas eran posibles de realizar e outras vían como se espallaba a auga e entendían que non era posible. Deixar que suceda o ERRO é indispensábel.
















mércores, 25 de novembro de 2020

BERRAMOS #25NOVEMBRO

Hoxe #25N a cativada da escola #cristodavictoria fixo visible o lema "Estamos a berrar que esto ten que acabar".




 Grazas o proxecto anual do centro #emocións, esta semana traballamos o enfado. 
Agora mais que nunca tamén falan os nosos ollos e gañan todo o protagonismo nesta nova normalidade a que nos estamos adaptando.






 Nas aulas de 3 e 4 anos decoraron as súas máscaras e os Tibus e Cabalos, por ser os maiores, deixaron cunha letra ben feitiña as súas prioridades: respecto, igualdade, libertade. Mensaxes directas o corazón e que nos fan creer nunha futura sociedade chea de virtudes.







sábado, 7 de novembro de 2020

OBRADOIRO DE VIDA PRÁCTICA

 O alumnado da EEI Cristo da Victoria está comezando a saber que significa iso de "Vida práctica".

As actividades que faremos conlevan unha mesma finalidade que é ser capaces de facer as cousas por sí mesmas e mesmos. Para iso, as persoas adultas debemos observar moito, preparar o ambiente para que poidan iniciar esa conquista. É indispensábel ser paciente, relativizar, dar confianza e seguridade para que a cativada e nós mesmas vexamos o erro como unha oportunidade de aprendizaxe.

Utilizan as bandexas para a actividade proposta. A persoa adulta presenta a actividade previamente e fará todos os pasos. Logo, elas ou eles fan a actividade así ou como lle parece; talvez estean a descubrir outras cousas. Sempre que non estean a maltratar o material é interesante non corrixir.

Empezamos con algo moi sinxelo para exercitar a psicomotricidade fina e o traballo da man. Fixeron transferencias con pinzas e tapóns. A miña intención foi graduar as actividades ás habilidades e necesidades de cada crianza.

Practican unha habilidade mediante a repetición. 


Logo, aprenden tamén por experimentación e comezan a desfrutar con outras actividades. 




A partires da manipulación e a exploración activan a súa creatividade, os seus sentidos, a capacidade de pensar...todo está conectado.




Nun mesmo grupo de nenas e nenos, cada crianza ten o seu ritmo madurativo e o importante é que desfrute do proceso.





Están exercitando a prensión, a coordinación óculo-manual e a concentración.


Se queremos que sexan crianzas autónomas, prepararemos obxectos indicados ó seu carón para que poidan limpar ó rematar e deixar todo o material no seu sitio.


venres, 23 de outubro de 2020

...OUTONO ...

 

Ola!!!

 Os maiores do cole ainda no demos sinais por aquí...parece que non estamos pero …SIII!

Estamos recuperando  o tempo perdido e é que tiñamos moitas ganas de volver as nosas andainas, a mergullarnos en distintas actividades, mancharnos, gozar con todo o que atopamos polo noso camiño, ... pois como sabedes...cada día é unha auténtica aventura 100%!!!

Pasámonos por aquí para contarvos que, entre otras moitas cousas, como non podía faltar, detivémonos no outono e nesta ocasión fixemos o seguinte: 

1º a través do noso traballo cooperativo analizamos obxectos, escribimos OUTONO, analizamos a palabra e gozamos sensorialmente a través do arroz, da auga facendo traspases así  como tamén tivemos que debullar o millo para despois cos grans facer composicións, números, letras etc.






2º. Centramos a nosa atención para crear bodegóns e  melloramos no grafismo




3º Tamén fixemos unha excursión polo noso patio de herba para recoller as follas de outono e así despois dar liberdade a nosa creatividade e crear diferentes elementos.



Para ir rematando tamén levamos a cabo unha actividade onde recordamos a técnica do puntillismo e fixemos actividades de lecto.




venres, 9 de outubro de 2020

OS DE 3 ANOS XA ELEXIMOS OS NOSOS NOMES.



Queridas familias

        Os nenos e nenas de 3 anos xa fai máis dunha semana que rematamos o período de adaptación á escola...e aínda que houbo algún que outro choro..fomos uns auténticos campións e xa estamos case totalmente adaptados a dinámica da escola e da nosa aula...
    
    Como sabedes é tradición que cada aula teña un nome que a identifique dentro da escola..e nos, non ibamos a ser menos...e os nomes elixidos foron os de AULA DAS POMPAS e AULA DOS MAG@S
👏👏👏


 Agora xa comenzamos a traballar polos distintos rincóns, e aquí podedes ver algunhas das actividades que estamos a levar a cabo estes días..










     


        Esperamos que vos gusten, e mandámosvos un abrazo cheo das cores das pompas e cheo de maxia.